top of page

PRAIAS DE CALIDADE

vive a Praia
Playa de Covas
PRAIA DE COVAS
​

Praia de area branca, con ondada tranquila, en forma de cuncha. É o areal urbano do termo municipal de Viveiro.

​

Está dotada de todas as comodidades, conta con bandeira azul e coa “Q” de calidade turística está complementada por un vistoso paseo marítimo, que delimita a praia e separa o areal e as dunas dun amplo parque (parque Xosé Antonio Pernas Peón), dotado de infraestruturas para pícnic, del cámping  e dos servizos que ofrece a cidade estival de Covas. Dunha amplitude e extensión extraordinarias, en baixamar uns 280.000 m² e en alta mar redúcese ós 150.000 m².

​

No extremo oeste da mesma presenta curiosas formacións de tipo pizarroso, coñecidas como “Castelos”, onde se encontra o monumento erixido en recordo dos náufragos da escuadra cántabra, en especial do Bergantín Palomo e a Fragata Magdalena , afundidos na ría, polo temporal, el 2 de novembro de 1810.

 

​
Playa de Area
PRAIA DE AREA
​
Praia de area branca, augas cristalinas e tranquilas, de forma rectilínea e con dunas. A praia de Area encóntrase próxima á ladeira do monte Faro nunha área de grande beleza paisaxística, con abundante vexetación. Ten unha extensión de 72.000 m² en preamar e 198.000 m² en baixamar. Nun dos seus lados, emprázase a illa de Area, importante refuxio de aves mariñas. É a praia máis fermosa da ría de Viveiro e, quizais, da Mariña Lucense.
​

​Este areal permite gozar non só do sol e da natación, senón tamén doutro tipo de deportes náuticos como a vela. Ademais, debemos destacar os restos arqueolóxicos da vila romana de Estabañón e da superposta vila medieval de “Areas” que foi arruinada polo mar. A praia conta con bandeira azul e a “Q” de calidade, posto de socorro, disco-pub, albergue xuvenil (cursos de vela, surf…..). Á dereita da praia atópanse dúas pequenas calas, menos concorridas.

 

​
Playa Portonovo
PRAIA PORTONOVO
​

No límite dos concellos de Viveiro e Xove encóntrase esta praia situada ó abrigo do monte Faro.

​

É unha pequena cala situada nun contorno natural virxe. Nas décadas dos 60 e 70 era moi frecuentada por turistas alemáns e franceses, e nela era usual a práctica do nudismo. Actualmente segue conservando o seu carácter de praia de mar aberto e retirada.

​

Ten un grao de ocupación baixo, está composta por area e rochas e carece de servizo ningún.

​
Playa de Sacido
PRAIA DE SACIDO
​

A praia de Sacido, de pequenas dimensións, conta con abundantes acantilados, area branca e rica vexetación marítima, ademais de piñeiros, loureiros e espiños. Accédese a ela a través dunhas longas escaleiras que baixan dende o paseo marítimo.

​

A continuación está a preciosa e recollida enseada do “Rol”, de difícil acceso terrestre.

 

​

Playa de SEIRAMAR
PRAIA DE SEIRAMAR
​
Pode considerarse como unha prolongación da praia de covas (praia de Grallal), separada polos “Castelos” , onde se forma un areal de finas areas e rochas que se fai case inexistente con marea alta pero que en baixamar queda unha pequena praia moi recollida.

​

Playa de Celeiro
PRAIA DE CELEIRO
​
Praia urbana de pequenas dimensións que se atopa no pobo mariñeiro de Celeiro, a 1 Km do núcleo de Viveiro.
Porta da Vila
bottom of page